شــاقني الجمـــس يوم يــخـتال

شــاقني الجمـــس يوم يــخـتال
وان خز شــــــــرات الغـــــزال
متـميز من غيــــــر تـــــــزييــن
وان حن تسمعه شرات الجمـال

وإن جابل سيوح وبراري فسيـــــحه
مــا شكا تلالها وضلت الجلسه مريحه
ويعطيك من داخله ولي بالقريـــحه
وان انك دست الدبل جاوبك بالحال

وين تسيره وعالترحال راضي بقسمتــــه
ونظام تبريده شـرتٍ حـلا نســــــــمــته
وان كنت مواجهه تشوفه يطالعك ببسمته
وهــــــو باســـم لك ويجـــــول تعــال

عـسـاك بســعـه والله ييســر الحال
ولي يشــوف بعـيـنــه وما يـطــال
برثيله بقول وحكمه تنــقــــــــــال
لا تكابر ولا تطلب الحــافي نعــــال

لا هانه الوقت ولا طـــــــاح بيد الـدلـهـان
والســبـب ســعره الى علاه مــــــاهــان
وقيمــــته فيه هـو متـحــلـــي ومــــزدان
من صنع ماصمم غير لمدراء ورجال أعمال

أقبل يلي من راهنتني وأرمي له رهان
أبدع لي وضع تصمــيمه المــــــريكان
من خـــاوى العز ما هـو بخـســــران
شـــــد الــــعـزم وانـــوي يا رجـــال

ألسعاده من جســهته ومكتوبه له عالجبيــن
ولـو لا احتـــرامـــه للشــــارع والقــوانيـن
ما بتشوفها بالأرض لاكنها بين الحين والحين
طايــر في الفظــا بالحــكمـــــه والــدلال

يغنـــيك عــن قلــوزر قول بليا أفــــعـال
أو نيسان لا أوقفت تسوّد تحتها الرمـــــال
ولا هــــــديرها قـصـف قوات الاحـــتلال
من ضجيجه وابل من الشتايم عليك ينـهال

أو باجيرو صممت للتعب وكســــر الظـــر
وستيشنات كوريه مدة استخدامهن شــهــر
وان شفت سـحابه إهجع وخـــــذ الحـــذر
لأنهــــا باترميــــك وعنـك ما تســـــــــال

مرتين باليوم تفحص المكينه وتشيك الجير
وتاخذ آيـل وللبنـــــكه و كميــــن سيــــر
تمــشي بمهــــــلك وتحكم الضـــــــمـير
وتحمد ربك اذا وصلتك عند ســـ اســـــال

والي ابتلى بالمرسدس وعتيق ذاك مجنون
وخــارج عن السيطره وناقصــه قــــــرون
قصدي ستيـشن قديم ما قصديه صالـــــون
عيا خرابه مره البريك مر السيل ومره الوال

وأســ ميك يا الجيـب مســخـره
لي ابتـلابه ويبــــــي يـــعـمره
لازم يبدله الشفت سبعين مــره
ولا يناسب يتاجربه غيـــر حّيال

وبينـــشف له جيبه وبايفـــــــقره
راعي الجيب بإيده قبــــــــره يحــفـره
لولا الحظ حالفنا كان بيفتكــــبنا اذكره
مابه الجيب أمان اسرائلي بكل الخصال

وباقي ما ذكــــرنا بسيــــــارة الـــــــرنج
استخموها أصحاب شغل المعادن والزنج
مجسم غــريب من مخلفــات الأفــــــرنج
بعد شهرين يصيب المكينه إسـ ـ ـــهـــــال