http://zoom.maktoob.com/showImage.php?ImageID=1001268006&size=500



//



الا ياليل قلهـآ لي علام الكون فيني ضاق؟
علامة مارحم دمعي وانا واقف على بابه؟






تـفـيـق حظوظ خلق الله وأنا حظي مـآ بعد فاق
تضيق همومي بصدري ولا ادري شالذي عابه؟






سهرت بليلي المظلم أفسر لهفة المشتاق
طلبت الهم يخاصمني لقيت اني من احبابه





لقيت ان الزمن ظالم مثل موج البحر غراق
رماني في متاهاته وسكّر دوني ابوابه





كفاية يا زمان التيه كفاية لعبة الاشواق
كفاية لية ماترحم شبعنا هموم طلابة





شبعنا من الزمن ضيقه ...وصرنا للفرح عشاق
يذوقنا مرارة دوم علينا يرمي اسبابه





-{ عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه }-




ولكن لو يطول الوقت وينثر همه الحرّاق
يجي يوم من الايام وكلن ياخذ حسابه





نضيق بهالزمن ضيقة ولانذرف دموع شهاق
نضيق ونصبر ونكسر زمان طالت انيابه





انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه





اعيش اصبر على البلوى ولو هالكون فيني ضاق
اعيش الذيب في عمري ولا ارضى فوقي ذيابه





//
ممآرق لي

صح لسانك
أول مرة أعرف إنك شاعرة

مو أنــــــــــــــا مسوتنة
في اخير كاتبة ( ما راق لي)
لكن نورتي

عيل أنا راق لي كثيراً وأضم صوتي لصوت ظاهريه،جميل ماخط به قلمك وما راق لك وإلى الأمام بالتوفيق.

ما شاء الله ابداع . , .
تسلمي..